কুরাং থয়া যিতইগা তানুরে? এগিরে দামান উগর গরে নিলেগা উগই যদি উরাহিচা করের? গরে থয়া গেলেগাউ মালকে নাম্ফার চিপা চাপাদে থয়া গানুয়াল বিকারসাকৃতি করেইতই। এতা কিতা খালকরিয়া পথ আগ নিকাল্ল। বিয়ার দিন উহান বিয়ানেদে তেই হিনাত যিতেগা উতারে গাটহানাত নিয়া বিসর্জন দিতইগা বুলিয়া লেপকরল। দিন উহান গাটহানাত নিয়া যিতেগা জুরে জুরে আহির পানি বেলেয়া গেলিগা। বিসর্জন দেনার আগে হমাজক এগিরে বুকগত চেপকরিয়া কাদানির জুরন আহান দিয়া মাতিরি— হে হমাজিগাসি, আহৌবা আজি মি তোমারে দুরেই করানিত পড়লুতাকো। তোমারাত বিচ্ছেদর জ্বালা এহান কিসাদে মি কক্করতৌ? উতা বুলিয়া উতারে চুমা দিরি উবাকা তেনার দৌ উগিয়ে টেইপাঙ মানুর সাদে টটরেয়া সান্ত্বনা দিলা— হে হমাজি, না কাদি। তোর কান্দন এহান আমি জারে নারিয়ার। আমিয়ৌ তোর উম এহান বেলেয়া যানার দুঃখত দুঃখ পাসি। আমার ঠই এতাউ কাদের। যেতাউ অক, এহান সংসারর বিধানহান। তি নুয়া সংসার উহানাত গিয়া নুঙেই অয়া থাকগা। বর দিয়ার। যানার আগে তোরে আরাক বর আহান দিয়ার- আজিত্ত তি এ মালেমর যত জীবজন্তু, পাহিয়াপলেই বারো ভূত-প্রেত হাবির মনর কথা হারপানি পারতেই। কিন্তু লগে