তেইর মনহানাত। কমলিনীর পক্ষেউ বারো উতা হাবি ফুকারেয়া মাতানি সহজহান নাগই। কারণ, তেই হারপেইরি, তেইর দুঃখর য়ারি এতা হাবি ফুকারেয়া মালে হিতে বিপরীত অইতই। থাচির রাতি আহান কমলিনীয়ে দেহিরি লাংকাপ এগ নিয়াম হারৌ হারৌ অয়া আহেসে। তেয়ৌ হারৌ অনির সটন দিয়া গারিগত সাউকারহান আনিয়া মুকসিহানল মাতিরি— তোরে কথা আহান আংকরে পারুরিতা? লাংকাপ উগই মাতের - বহুদিন পিসেদে তোর হারৌপি মেইথঙহান দেহিয়া মি হারৌ অইলু। মাত যেহান মনাউরি উহান। কুনো চিন্তা নাকরি। তেবৌ খানি খান্নাখানি করিরি উহান দেহিয়া তা মাতানিরকা জোর দের। অইতে অইতে তেই মনর হিনহান খুলাসা করে বেল্ল - হাই, খারাপ নাপেইস। মি খালকরুরিতা তি যদি কিতাপারা আমারে বেলেয়া যারগা নাইলে তোর যদি কিতা কিতা আহান অর উতাইলে আমার দশাহান কিহান অইতইতা? মি শৌ এগরে কিসাদে পালিয়া ডাঙর করতৌতা? ভূত এগই হুনিয়া থতাহান সালকরিয়া এমন আহানি আহান দিল, তার গজর অট উগ সালয়া গিয়া হাকহানাত থেঙইলগা। তার ডরপেইল মাচাক হিঞ্চাপার অংতাহান দেহিয়া কমলিনীর গারিগ নিক্করানি অকরল। লাংকাপে হারপেয়া তারে চেকচিল করল— গিথানক, তি এগ অমাটিক আপাঙ অসত