ভূত- পেরেত বা দৌ খেদানির মন্ত্র এতা প্রয়োগ করানির হেইচা করলা। মেইপারল এহান তানুর বিদ্যা এতা হাবি প্রয়োগ করিয়া চেইলা। কিন্তু কিত্তাউ কানা নাইল। দৌ এগ আরাকৌ সলিল। গাঙ বেলেয়া যানাতে থাক আরো কিসিম কিসিমর হৈপৎ বেলানি অকরল। শৌ আগ আকখুলা সিনা ফামে পেইলে উগর গারর হলাগ মুজুরে দের। তা যদি দেহের মানু আগ সরাহান পানিহানাত জাবুর দিয়া হিনার, তা উগর মুরগ জাতেয়া থয়া নিংশা মাংকরেদের। নিক্কা রাতিসিংনা মানুর গরে ডাঙর ডাঙর টেম্পাক গুপ গুপ উরাদিয়া মানুর গুম বাগে দের। মানু উঙইতারা। নাইল বুলিয়া গাঙর মানু হাবি মালঠেপে পুলইলা। গিরিগিথানি, আমি বেয়াপা এগরে জিংতা করিক বুলিয়া হন্না করতে উল্টা আমি বিপদে পড়লাং। আরতা করিল উপায় নেই। বেয়াপা আগরকা আমার বেয়াপা, শৌসুমারা হাবিরে বিপদে বেলা নারিয়ার। আমি নিক্কা উঙয়া থানা চিলর। তারো গিথানক এগ তেইর গরে আলথক অয়া যাকগা। যেগরতা আকগৌ নেই উগরতা ভগবান সহায় অর। কমলিনীয়ে কিহানতে করত? কাদে কাদে গরে আলথক অইলি। তেইরে দেহানিয়ে লাংকাপ এগ নিয়ামপা হারৌ অইল। তা সেন্দাহান লালনির পিসেদে হবা টেইপাঙ মানু আগর সাদে মুকসি দিয়া তেইর মাংকলহানাত