করো'। শৌ উগৌ কাদানি অকরল। গর উগর মানু গুমজাসিলা উতা হাবিহান উঠিয়া দুয়ারহান মুকেইতে তেই ফিট অসে উহান দেখলা। লগে লগে তুলিয়া তেইরে শৌগসহ ফাম আহানাত কাকরলা। খানি বৌদিলা আরো ফিটহান বালা অইল। আংকরতে পুরা ঘটনাহান ফুকারেয়া মাতল । তানু তেইরে ভাতপানি খৌয়েয়া উপেইত রাতিহান থানারকা হেজি আহান পারে দিলা। লাংকাপে তেইরে দরে নারানিয়ে কান্থিহান আরাকৌ বলিল। মাতের — 'বাসা গিথানক, মি এবাকাতে এরা দিলু। আপ্পানেউ মোর চাংহান হারপেইতেই।' পিসেকার রাতি কমলিনীয়ে তেইর শৌগরেল ফামহানাত গুমজেসিলি। লাংকাপ এগই গরর টুল্লিগত কায়া মেকুরর গরগর কান উগদে চেইতে দেহের মালক-পুতকরে। তা কান উগদে তার আতহান ডিগল করে সালকরল বেয়াপা এগরে খৌনাগত টিপেয়া মারিং বুলিয়া। তাঞ্জা উগত কমলিনীয়ে সাকতি হপন আহান দেহিয়া পেইরাক্ক ডরহানে গুমহান বাগিয়া আহিগি মেলতেই দেহিরি ভূত এগর আতহান। 'মরে জিংতা করো' বুলিয়া লৌদিল উবাকা গরর মানু হাবিহান উঠিয়া আইলা। লাংকাপে তার আতহান কুচকরল। পিসেকার দিনে গাঙর মুঙর মুরুসি এগই লয়াগর যত মেইপারল এতা ডাকদিল। গাঙর মানুয়ে কিতাই কুমুটি করিয়া মেইপারল এতারে তানু জানি