কতলিশিং মাগেসিল এবাকা টেঙারাগত হমেয়া ত্বরা করে পানারকা খেইপক করল। ভগবানরে ডাহের জিরন নেয়া। কুরাংকার দৌ! দৌর দেহা নেই। নিয়াম কান্থিহান গারিগত হমেইল। এমাটিক খেয়া নাখেয়া দৌরাং মাগিয়াউ ঈশ্বরর দেহা নেই। হুই হুই করে কান্থিহানল উঠিল। নিংকরের বুদ্ধিল রুপা খমকরানি লাগতই দৌর নাঙে। টেঙারাগ ফাড়ি দিয়া থলহানাত নিকুলিলগা। দেহের ডাঙর বাজার আহান। মানুহান চারিবারাদে চামিরিকহান অয়া বেচা-কিনি করিয়া আটতারা। আটেলপা বহিল পাটি আহান পাতিয়া। দৌ ডাহানি অকরল হরিনাম দিয়া লৌদে লৌদে। হাদিত রুপা মাগের দৌর নাঙে। মনহানাত নিংকরিয়া মাতের— ভগবান। আগেকার উতাত্ত বারো খেইপক আহান বেল্লু। মোরে দয়া কর। গাউরাপুয়া এগর দৌর নাঙে রুপার লিপ্সাহান দেহিয়া মানুহান হাবি কান্থি মেইনাত বারি দিলাগা। তারে গারগত ধরিয়া বাজারর মানুয়ে কিল- বাকুরি দিয়া নিকালা দিলা। আটেলপার করিলতা কিত্তাউ নেই। কাদে কাদে আহির পানি পুসে পুসে বারো বনর পথেদে আলথক অইল। খেয়া নাখেয়া আটতে আটতে গাছজারর তলহানাত জিরেইলগা। ঔ গাছজারর তলে বয়া বারো ভগবানরে ডাহের, হা প্রভু! এহান কিহান! রুপাতে নাদলে উল্টা বাকুরি খৌয়েইলে। এফির