মি আর রুপা নাচাউরি, মি মরানি মনাউরি, রুপার বদালা মোরে তি মার — বুলিয়া চিকারি দেনা অকরল। এমনৌ চিকারি দের নারগ টেঙারাগর লুঙ্গাদে বারি খেয়া রৌ রৌ করের। সমেয় উহানাত কিহান অসে বুল্লেতে গাঙর খেতিয়ালা আগ দারৌ খমকরাত টেঙারারমা আহেসেতা। আটেলপা গিরক বহেসে গাছ উজারর গজে হুরু ডাঙর ডেঙ সেদার। তার চিকারি হুনিয়া খাং লাগিল, অরতে মানু মরানির আগর চিকারি নাই। মৌয়ানির ক্ষেমতা নেই। ডরহানে বানুকহান কুংগদে আতহানাত্ত সিকদিয়া পড়েসে হার নাপাসে। বানুক উহান আটেলপার ককগরমা পাকদিয়া পড়িলগা। তা আরাকৌ খাং লাগিয়া মরলু বুলিয়া ফালদিয়া উঠিল। বানুক উহান তুলিয়া কাদে কাদে মাতের — ভগবান! রুপা কত লিশিং মাগতেতে দিয়া নুয়ারলে, মরানিহান বুলতেতে স্বয়াং মুঙহানাত ফলহান। খানিপ্পারা বেসেপ অইলেতে একদম গেসিলুগা। বানুকহান ধরিয়া, যেতাউ অক জিংতা অইলু বুলিয়া ঘরর পথেদে আলখক অইল। আটে আটে খালকরের বেয়ক বাপকর ডেকিই তারতা কাম করানি লাগতই। কাম নাকরলে কুরাংকার ধন, কুরাংকার হারৌ। বানুকহানার গিরি উগ বানুকহানারকা চিকারি দের — আটেলপা, মোর বানুকহান দে। মিল্লেং নেই উগদে তারতা। আকহান সেইত্যহান— কাম