উতা বেল্লগা। ঘরর মানু হাবিহান তাক লাগিয়া চেইতারা। তা হিসাব করিয়া চেইল দ্বিগুণ তিনগুণ লাভ। গারিগত হারৌ হুদ্দা হারৌ। মালক-বাপকরে ডাহিয়া লাভর হিসাব হুনুয়েয়া মাতের, হিসাবে রাজা বেহিসাবে ভিক্ষারি । বাপক মালকে পুতকর হিসাব হুনিয়া আপাঙ অয়া চেইতারা। এফির অন্থকপা আহান অইল। হপন বারো টেইপাঙ আকহান নাগই। পেলি লকুরা নেই। বরনে-রইদে তিঙিয়া পেলিগি হাবি পচিয়া মাঙইল। কুড়িয়া উগ বুকগ থাপারার কিহান অইলহান বুলিয়া। আটেলপাই কামে থেঙইলে হেইচিং অইতারা বুলতারা তাথকয়া এফির খেতিত লামিল। মানু খেতি লমকরতে তা হবে হিসাব করের। খেতিহান হাবি রাঙা পক ধরিয়া মাঙো গেলগা। বারো কপালহানরে দোষ দের। এফির চৌল বেপাররকা খেতির পরে ধানগ মাহি লয়া টালি বুজিয়া থইল। ঔ বছর দেশহানাত ধানর ফৌদকহান বপসে। হাংকা পরে বেসানির সমেইত চৌলর দরহান একদম রসাতলে। আটেলপাই মুরগ কটার। মাতের, হায়রে কপাল। তেবো মনহানাত ডাঙর খৌরাঙহান আকদিন তা লয়াগর নুঙেইপা নাঙহান ফিটেইতই। বাপক বেয়কর সাদেতে রকত পানি করিয়া কাম নাকরতই। কথা এতা খালকরতে খালকরতে নুয়ারাত পড়িল আটেলপা। গারিগ নিয়াম সলইল। টেইপাঙে সল মানুয়ে নিয়াম