গাঙ আহানাত নাঙজাদা আটেলপা আগ আসিলতা। দেশগাঙে তার কুড়িয়ার গজে উদালে পথেদে য়ারি। কামহান বুল্লে তারতা গারিগত তাপ আহান উঠের। দিন রাতি গুমজিয়া থার। এগদে বুড়া বাপক মালক বারো খুল্লা বেয়ক উগই দিন- মাদান কামে কাটেইতারা। উহানল মালকে রাতি দিন ঘরে পেরপেরেইরি। আটেলপা উগই উতা হুনলে বারাবুলন দিয়া কেজার। তেবো গুমজে গুমজে থার। এসাদে গুমজিয়া দিন চলেরতা? বয়া খেইলে রাজার ধনৌ তেঙর বুলতারা। আটেলপারতা উগদে খিয়াল নেই। হারো হারৌ মনহানল গারিগ ফুদে ফুদে আটের। আটেলরতাউ সীমা আহান থায়া অউনা। তারতা সীমাগ লালো যারগা। ঘরর মানুয়ে কুকুরর মুরে চুষ জারতারা। গাউরাপাগ লাজ আহান গারিগত লাগিল । হেজিহানাত্ত এফির লামিল কাম আহান করানিতে লাগতই বুলিয়া। সেইত্য আহান মনহানাত, বাপক বেয়কর ডেকিতে কাম নাকরতই। বুদ্ধিল জিংতা অনি। তা হুনেসে 'বেপারর দুনা খেতির কুনা' কথা উহান। খেতির কাম করলে গারিগর মাচুহান কুমসালিগ অইতই। উহানে বেপারে থেঙইল। আকদিন বিয়ান্ত উঠিল। মাতাবলা নেই বেপার আহান হাঞ্জানির খৌরাংল কাদার বাজারে গেলগা। দরদাম নাচেইল মাহাজন আগরাংত লেহাজুহা নেই বাজারর পেলি কতগ আনিয়া ঘরর উঠানে