ঘরে আহিয়া ঘরগিথানক উগরাং ধরিয়া কাদে কাদে মাতের- এফির কিহান করানি? মি লালফামতে থাক গড়ার গজে পেয়া চড়ে নারুরি। তেই মাতিরি— না খালকরি, মি তোরে গড়াত চড়ানি হিকাদিতৌ। তি ফালদিয়া গড়াগর গজে কাগা। বাঘাই কতফির ফালদে ফালদে গড়াগর গজে কা পারল। ত্বরা করে মোরে দড়ি আগাসল গড়াগর লগে বাদ্দেদে বুলিয়া তেইরে মাতল। মইলকে তারে গড়াগর লগে গারি, আত, জাং হাবি বাদ্দে দিল, হুদ্দা আতহানি বাদে। ঔ দ্বিয় আতল গড়াগর চুল উতা আটেয়া ধরল বাঘাই। চুল উতাত আসুলহান পড়ানিয়ে গড়াগ দাবদানি অকরল পাংকাল আসে মাহি। লাহুল বুদ্ধি করিয়াউ বাঘাই গড়াগ খামকরানি নারল। আরাকৌ ত্বরা করে দাবদের ডরহানে। বাঘা ইমে গড়াগরমা নাপয়া ধরিয়া থাইল । লপুক জঙ্গল লালয়া যারগা গড়াগ। দাবদিতে দাবদিতে তাল আকজারর তলহানাদে যারগা মাপা উহানাত বাঘাই গড়াগ থামানিরকা তাল উজারে ধরল। আগেকার দিনে বরনর সালেদে তালজারর গুড়িগ কঙালা অসিল। বাঘাই গাছজারে ধরানি ফাত নেই গাছ উজার উহুলিয়া আহিল। গড়াগতে উবা অনি নেই, আগেকার উসাদে দাবদের। বাঘার আতহানাত তাল গাছজার সেচারার। য়েকনা দাপার সিবেই উতাই দেখতারা গড়া আগর পিঠিত চড়িয়া মানু আগ তাল আকজার