রাজসভাহানাত তারে ডাহিয়া হুরকাঙ নাঙ উহান বেলাদিয়া পাংকালপা বাঘা বুলিয়া নাঙহান থদিল । এখুরুম পাংকালপা বাঘা তার ঘরগিথানক উগরেল দলানগরমা নুঙেইর দিন লালকরের। হবা হবাতা খেয়া গারিগ সমগ পারা অইল। আকদিন পৌ আহিল বিদেশি রাজা আগ সিবেই দাপা আহানল রাজ্যহানার সীমানাগত উবা অসেগা। রাজা উগই সিবেই উতা হাবিরে মারিয়া তালকরেসে। সিবেই উতাই উপায় বিসারেয়া নাপেইতারা। মন্ত্রী, সেনাপতি, কবি, পণ্ডিত হাবিয়ে রাজারে পরামর্শ দিলা পাংকালপা বাঘা নাইলে জিংতা অনির পথ নেই। রাজাই য়াথাং দিল পাংকালপা বাঘারে ডাহিয়া আনানিরকা। বাঘা রাজসভারমা আহিয়া উবা অইলগা । রাজাই মাতের, তোর ডেকি পাংকালপা মানু মোর রাজ্যহানাত নেই। তি বনর বাঘরে বাদ্দিয়া আনে পাররগাগ। তি মোর হবা গড়া আগল য়েকনাপারে তালকরিয়া রাজ্যর মানুরে জিংতা করানিরকা লালফামে থেঙোগা। মোর সিবেই তোর লগে থাইতাই। আমার রাজ্যহানারে জিংতা করগা। আজিত্ত তোরে মোর সেনাপতিগ হংকরলু। রাজসভারমা জয়ধ্বনি কাইল পাংকালপা বাঘার নাঙে । রাজার কথা হুনিয়া বাঘা আপাঙ অয়া পিলিক পিলিক চার। কিহান করানি উপো নারের। তেবো হাব্বিত্ত হবা গড়া উগর লাগামগাস আসুলিয়া