তুলিয়া দাবদিয়া আহের। তানু আগেত্ত পাংকালপা বাঘার য়ারি হুনেসি, এবাকা স্বয়ং আহিগিল দেহিয়া বাঘার পাংকাল উপইলা। নিংকরলা এ পাংকালপা এগর আতে পড়লে আর জিংতা অনির উপায় নেই। দাবদিতে দাবনিতে গড়া উগ ঠুকরল। ইচু সময়ে সিবেই দাপাহান ডরহানে পলেইলাগা । বাঘা জবর হিনপেয়া গড়াগর গজহানাত্ত লামিল। রাজার সিবেই আকগৌ না মরলা। বাঘা আকখুলাগই য়েকনার সিবেই হাবিরে তালকরল। রাজাই হারৌহানে বাঘারে ঙক্করিয়া আনলগা। রাজ্যহানর সম্মানহান রক্ষা করানিরকা রাজাই বাঘারে রাজ্যহানার আধা-আধি বাটন করে দিয়াদিল। বাঘা নুঙেই অয়া থাইল জিয়াজিপুতরেল।