নেই, হাব্বিরে বনক হিঞ্চাপি উগই খেয়া লইকরেছে। গড়াগত চড়িয়া রাজার পুতক এগ ফৌয়ইলগা। দুরেইত্ত দেহিয়া হিঞ্চাপি এগই মাতিরি— আই আইত্তে, মিতে ইচুদিন তোরে বাসেয়া আছুগ, তোরে খেইলেহে মি পেলইতু নাই! রাজার পুতক এগ কাদাহানাত আহিল উপেইত মাতিরি— আই আই, আইত্তে তোরে খেইতৌ হানতে মি হিনেয়া আহিংগা, তি এরে ডাক এগ বারেয়া থাক। রাজার পুতক এগই আইত্তে মোরেউ খেইতইতাকো বুলিয়া ডাক বারেয়া থাইল। দলা উদুর আগই হিঞ্চাপি এগ হিনাত গেলিগা তাঞ্জা এগত গাতগত্ত নিকুলিয়া রাজার পুতক এগরে মাতের— মহারাজা! আমিতে ইচুদিন তোমারতা খেয়া জিংতা অছিতা, মি থাইতে মহারাজাই হিন নাপেই, মি লেজগল ডাকগ বারেইতৌ, তি গড়াগত চড়িয়া দাপদিয়া যাগা। দলা উদুর এগই লেজগল ডাকগ বারেয়া থাইল। হিঞ্চাপি এগৌ হিনেয়া আহানি, ডাক বারানিয়ৌ এরানি বারো দলা উদুর এগৌ গাতগত সুরকরে হমানি। হিঞ্চাপি এগই দুরেইও দেখল রাজার পুতক এগ গড়াগত চড়িয়া ফরদিয়া যারগা এহান। হিঞ্চাপি এগই মি আহৌরি, যেপেইত পেইতৌ উপেইত খেইতৌগ বুলিয়া পিছে পিছে ছুটলি। রাজার পুতক এগ গড়াগল আয়াউ মাংকলহানাত ডমকরে পড়িলগা। হিয়াল মন্ত্রীয়ে মহারাজা মহারাজা কিতা অছেতা