যুক্তিহান য়াকরল। হিয়াল মন্ত্রীয়ে মহারাজার হৌরকরাং গিয়া জাঙাকর য়ারি এহান দিলহানতে য়াথাং করল যে কোন হবা গড়া আগ বাছিয়া নেনারকা বুলিয়া। হিয়াল মন্ত্ৰীয়ে গিয়া গড়া ঔতারে আকেইগ আকেইগ করে আংকরের তি ফরদে পারতেইতা বুলিয়া। গড়া উতাই না না বুলতারা। আগইতে হাই বুল্ল। ঔ গড়া উগ নাখেইতে নাখেইতে গারিগৌ চকছে। ঔগরে ধরিয়া নিয়া রাজারাং দেহা দেরগা এগ নিতৌগা বুলিয়া। রাজাই সৌয়য়া মাতের— এতাপারা হবা গড়া এতা থাইতে চকছে গড়া আগ নিতেইগাতা? হিয়াল মন্ত্রীয়ে মাতের— মহারাজা! এ গড়া এগ আসল গড়াগ, এগর ডেকি গড়া মহারাজারাং আর নেই। এগ ফরদানিয়ৌ পারেরগ। হবা করে খানিহান দেই, গড়া এগরে পেট বুজে খৌয়েই। রাজাউ য়াথাং করল সৈন্যসামন্তরে গড়াগরে খৌয়েয়া পিউয়েয়া সালকরে দেনারকা। হিয়াল মন্ত্রীয়ে গড়াগল আহিল। রাজার পুতক এগৌ গড়াগ পেয়া নিয়াম হারৌ অইল। হিয়াল মন্ত্রী বারো বাঘগরের মাতের- মি যাউরিগা হানতে মহারানী বারো ঘরগ হবা করে রাহিয়ো। তানুয়ৌ মহারাজাই উতারকা হিন নাপেই বুলিয়া মাতলা। রাজার পুতক এগই গড়াগত চড়িয়া মালক-বাপকর দেশে ছুটিল। গিয়া চারগা হানতে দেশ উহানাত আকগৌ নেই। মালক-বাপক-বেইবুনি কোন আগ