কামাড়েই। লগে লগে বেংবুল উতাই হাবিরে কামাড়ানি অকরলা। সৈন্য উতাই রাজারে মাত্তারা- মহারাজা! আমি আর নুয়ারলাং। হিয়াল মন্ত্রীয়ৌ গিয়া মাতেরগা— মহারাজা! আমার মহারাজা এগৌ কমগ নাগই, রাজার পুতকগ। মহারাজার জিলকরে আমার মহারাজার লগে বিয়া দিলে লেই নাইতই। এসাদে করিয়া রাজারে বুঝেয়া য়াকরুয়েইল। রাজাই য়াকরিয়া জিলকরে বিয়াহান কিতা দিয়া খেয়া পিয়া যানার সময়ত হিয়াল মন্ত্ৰীয়ে পাচর ভাতর য়ারি অকরল আর রাজাউ য়াকরল। হিয়াল মন্ত্রীয়ে তারে অনুরোধ আহানতে করল, পাচর ভাত খানাত যিতাইগা হানতে দেশ উহানর কুকুর উতা হাব্বিরে ঔদিন উহান বাধিয়া থনারকা। রাজাউ য়াকরিয়া গেলগা। এসাদে করিয়া তানু পাচর ভাত কিতা খেয়া নুঙেই অইয়া থাইলা। দিন আহান রাজার পুতক এগই তার মালক-বাপক-বেইবুনি এতারে নিংশিং অয়াতে হিয়াল মন্ত্রীরে মাতের— মন্ত্রী! মি ঘরেত্ত আহিংগা, মোর মালক-বাপক - বেইবুনি কিমে কিসাদে থাইলা খবর আহান করিয়া আইংগা। বারো মাতের — যানাতে যিংগা, কিতালতে যিতৌগা? হিয়াল মন্ত্রীয়ে মাতের- মহারাজা! মি থাইতে হিনপারতা! মহারাজার হৌরকরাং গড়া আছি, উতা আগ মি আনেদিলেগা উগত চড়িয়া যিসগা। রাজার পুতক এগৌ