আগত লুকেয়া থাইল, হিয়াল এগ তানুর কাদ্দা উহানাত খেলার। হিয়াল এগরে ধরানিরকা বুলিয়া হাতে হাতে কাদাত আইতারা, তা বারো ফালদে ফালদে দুরেইত সেচের। এসাদে করিয়া জপ উগর কাদাহানাত আনেছেতাই বাঘ উগই ফলকরে ফালদিয়া ধরিয়া রাজার জিলক উগরে তুলিয়া আনেছে। মন্ত্রীর জিলক উগই কাদে কাদে ঘরে গিয়া রাজার জিলকরে বাঘগই নিলগা বুলিয় বাগা দিলগা। বাঘ এগই রাজার জিলকরে আনিয়া মহারাজার মুঙে থদিয়া মাতের - মহারাজা! রাজার জিলক এগরে মহারানীগ হংকরানিরকা আনলাংগ। মহারাজাই মাতের— হাই হানতে, রাজার জিলক এগর বাপকতাতে সৈন্যসামন্ত, আত্তি-গড়া আছি হানতে উতাল যুদ্ধ করাত আইতাই, আমারতাতে কিত্তাউ নেই, কিতাল যুদ্ধ করতাঙাই? মন্ত্রী হিয়ালে মাতের— মহারাজা! উহানারকা হিনপারতা! মি থাইতে মহারাজাই হিন নাপেই, আমারতাউ সৈন্য আছি। রাজার পুতকে রাজার জিলক উগরে বিয়া করতৌ বুলিয়া য়াকরল। হৌগদে রাজাই জিলকর খবরহান হুনিয়া সৈন্যসামন্তল চারিবেদে নিকুলিল। বিসারতে বিসারতে আয়া জঙ্গল এগত পেইলাগা। রাজার সৈন্যসামন্ত উতারে দেহিয়াই হিয়াল মন্ত্ৰীয়ে বেংবুল উতারে আদেশ করিয়া মাতল— রাজা বাদে বাকি উতার নাকে কানে হমা হমা