পানি পিতারাই, নাইলে নাপিতারাই। বেংবুল উতায়ৌ য়াকরলা। তানুরে মহারাজার ঘরগত থানারকা দিলা। কিতাপারা দিন আহান হিয়াল মন্ত্রীয়ে রাজারে মাতের- মহারাজা! আজিতে মি খানি বুলিয়া আহিংগা, নিক্কা নিক্কা ঘরে থাইতে থাইতে নুঙেই না লাগের। মহারাজাউ আদেশহান দিল। হিয়াল মন্ত্রী উগ আরাক দেশ আহানাত বুলাত বুলিয়া গেলগা। দেশ উহানাত ফলর বাগান আহানাত রাজার জিলক আগই বারো মন্ত্রীর জিলক আগই খেলতারা। হিয়াল এগৌ গিয়াতে তানুর কাদা উহানাত খেলারগা। রাজা বারো মন্ত্রীর জিলক এগিয়ে হিয়াল এগরে দেহিয়া ধরানিরকা বুলিয়া লাগেছি। কাদাহানাত আইবাতাই হিয়াল এগ সেচের, ঔসাদে করতে করতে নুয়ারিয়া আইব কালি ঙালকরে আয়া ধরতাঙাই বুলিয়া গেছিগা। হিয়াল এগৌ ঘরে আলথক অয়া আহিল। হিয়াল এগই বাঘগরে মাতের— মামা! মহারাজারকা বুলিয়া রাজার জিলক আগ আনিকগা। বাঘ এগই মাতের— কিসাদেতে আনতাঙাইগা? হিয়াল মন্ত্ৰীয়ে মাতের— উবায়! উহানরকা হিনপারতা! তি জপ আগত লুকেয়া থাইছ, মি তানুরে লগে খেলা খেলা হাতে হাতে তোর কাদাত আনতৌ, তি তেইরে থক্করে তুলিয়া আনতেই নাই। এসাদে করিয়া বাঘ এগই কিতাই টানা করিয়া পিছেকার দিনে গেলাগা। বাঘ এগ জপ