মাতল। রাজাই এহান হুনিয়া সৌয়য়া সৈন্যরেল পুতকরে নাদেহিল দেশ আহানাত উসক জঙ্গল আগত ঘরশৌ আগ হংকরিয়া খানারতা থদিয়া বেলা দেওয়েইল। উপেইত রাজার পুতক এগরতা পহুরি আগ আছিল। আকদিন হিয়াল আগ পানির ডকহানে ফ-ফ করিয়া পিংগা বুলতে রাজার পুতক এগই মাতের— বাসা বাসা, মোর কথাহান য়াকরলে পানি পিয়েনা দিতৌ নাইলে নাদতৌ। হিয়াল উগই মাতের— মাতলে মাত কিসাদে কথাহান থাং ? রাজার পুতক উগই মাতের— হাই কথাহানতে এহান, তি মোর লগে থাইতেইতা? হিয়াল উগই হাই বুলিয়া য়াকরল। পানি পিয়া ঔদিনেও পুরি হিয়াল উগ রাজার পুতক এগর লগে থাইল। হিয়াল উগরে তার মন্ত্রীগ হংকরল। পিছে বাঘ আগ পানির ডকহানে পিংগা বুলতে হিয়াল এগই মাতের- বাসা বাসা, বাঘমামা, আমার কথা হুনলে পানি পিয়েনা দিতাঙাই, নাইলে নাদতাঙাই। হিয়াল এগই মাতের — আমার লগে থাইতেইতা? বাঘগৌ হাই বুল। বাঘগৌ তানুর লগে থাইল। আকদিন বারো বেংবুল উতা পানির ডকহানে পিক বুলতে মন্ত্ৰী হিয়ালে মাতের— আ! বাসেই বাসেই, কথা আহান য়াকরলে পানি পিতারাই, নাইলে নাপিতারাই। কি কথাহান থাং বুলিয়া বেংবুল উতাই আংকরতারা। মন্ত্রী হিয়ালে মাতের— হাই! আমার লগে থাইতাঙাই বুললে