রাজা আগরতা মুনি জিপুত হাতগ আছিলাতা। নিঙলশৌ আগ নাপেয়া রাজার রাজা এগই জবর খালকরল। হিঞ্চাপি আগ মায়া করিয়া রানীরাং জরম অইলি! রাজার গুরু, গড়া, আত্তি উতার মাঝে নিক্কা কোন না কোন আগ নেয়র। মন্ত্রীর লগে পরামর্শ করিয়া রাহালি থইলা। তেবো কানা নাইল, নিক্কা আকেইগ নেয়র। দিন আহান রাজার মুনিশৌ আগ মন্ত্রীগরাং মাতের আজি মি রাহিং বুলিয়া। মন্ত্ৰী এগয়ৌ য়াকরল। রাজা পুতক উগ রাতি ভাত কিতা খেয়া কলগত মাচাং আহান হংকরিয়া মকসি কতগ পুড়িয়া বয়া থাইলগা। মকসি উতা ঘুম আইলে আহিত দেনারকা। ঘরর দুয়ারহান কেরেক করেছে। হুরকাং নিঙলশৌ উগ ঘরেত্ত নিকুলেছে — উঠানহানাত লামানিয়ে ভয়ংকর হিঞ্চাপি মূর্তি আগর রূপহান ধরিয়া গড়া আগ আসুলিয়া নেছেগা। গড়া উগ খেয়া লইকরিয়া বারো হুরকাং নিঙলগ অয়া মালকর কাদাত ঘুমজিয়া আছেগা। বিয়ানে চারাপ পুলয়া রাহালিগরে আংকরতারা কালি চরগ ধরলেতা বুলিয়া। রাজার পুতক এগই মাতের— হাই ধরলু। বাগা বুলিয়া মাততে বাগানি নাকরিয়া মাতের— আগে মোরে না মারতাঙাই বুলিয়া মাতলে বাগেইতৌ, নাইলে না বাগেইতৌ। রাজাই মাতল নাউ মারতাঙাই বাগা বুলিয়া। হুরকাং নিঙলশৌ উগই হিঞ্চাপিগ অয়া মারিরি উহান