মোরে মাত মাত বুলের। মহারাজাই মাতের— ঔরে পিঠিয়েদে আইরি উগই মোরে খানারকা লাগেছে। হিয়াল মন্ত্ৰীয়ে আদেশ করলতাই বেংবুল এহানে হিঞ্চাপি উগরে ধরিয়া কামাড়ানি অকরলা। এতা হাবি সেচেয়া ঘরে হমাযিতেগা রাজার পুতক এগই থাংজাংহান ঘরেত্ত নিকালেয়া হিঞ্চাপি উগরে জপ করে মুরগত সেদেইল। তুপ তুপ করিয়া বাঘরেউ দাদের, হিয়ালগরেউ দাদের খেইগা বুলিয়া। এসাদে করিয়া হিঞ্চাপি উগরে মারল। হিঞ্চাপি উগরে মারেছে খবর এহান রাজার পুতকে হৌরকরাং বাগেইল বারো মানু জীবজন্তু নেই উহানৌ মাতল। হিন নাপেই বুলিয়া রাজার জাঙাকরে তার রাজ্যর অর্ধেক মানু, গড়া, আত্তি বারো গুরু দাদিয়া রাজ্যহানাত দিয়াপেঠাদিল। রাজার পুতক এগৌ বাপকর রাজ্যহানাত পালয়া থাইলগা। বাঘ এগতে মহারাজা মি আর আয়া কিতা করতু বুলিয়া জঙ্গল উহানাত থাইল। হিয়াল মন্ত্ৰীয়ে মহারাজা মি নাইলেতে তোরে পরামর্শ দেকুরা নেই বুলিয়া মহারাজার লগে থাইল। বেংবুল উতারেল মহারাজাই চিন্তাত পড়িল। হিয়াল মন্ত্রীয়ে মাতের— মহারাজাই হিন নাপেই, তানুয়ৌ আমার লগে থাইতাই। মহারাজাই মাতের— কিতাতে খৌয়েইতাঙাই? হিয়াল মন্ত্রীয়ে মাতের- হিন নাপেই খাটিহান বুজে মধুর থ’দিতাঙাই। উতা