আজিকার ভিক্ষারি এগ কিসাদে গাঙহানাত্ত আহেরগ বুলিয়া চাকর উতারেল আংকরৌয়ার। ভিক্ষারি এগৌ তার গাঙহানর নাঙহান বাগেইল। নারগ হুনের গারিগ দেহের মাহিতে অরতে বেয়ক নাই— আজিকার সন্ন্যাসী এগ এপেইত ভাত খাক, হবা করে রাধো বুলিয়া চাকর উতারে মাতের। রাজাগর চারুক আহান, কুকুরগর চারুক আহান বারো সন্ন্যাসী এগর চারুক আহান— তিনহান হুনার পুকামে হাজেইলাতা। কুকুরগরে দাদিলা। বাকি থাইল দ্বিচারুক। রাজা এগই সন্ন্যাসী এগরে ভাত দেই বুলিয়া মাতের। সন্ন্যাসী এগই মনে মনে খালকরের মোরে আজি রাজা এগই কিহান আহান করতই পাউরি বুলিয়া। সন্ন্যাসী এগরে ঘরে ডাহিয়া বরেইলা। রাজা এগই বাঙেদে বহানি বারো সন্ন্যাসী এগই বাতেদে বহানি। সন্ন্যাসী এগ বাতেদে বহানি নাকরেরতা না। রাজা এগই না না বহ্ মি বাঙেদে বহিতৌ বুলিয়া মাতের। রাজাই পরিচয়হান নাদের, ভাত নাহাবেলতই পাউরি বুলিয়া। অরতে রাজার ঘরর মেঠেল নাই— আহৌ আট মেঠেল। এতাল রাজা এগৌ সন্ন্যাসী এগৌ হবা করে খেইলা। গুয়া কিতা খেয়া মাংকলে বইলাগা। উপেইত রাজা এগই মাতের— য়ামুং, তি আর ভিক্ষা না মাগিগা। তি মোরে এবাকাউ নাচিনলেতা। বেয়ক এগ বুহান পড়িল। ঝুম মারিয়া কাদানি