অকরল। আগরে আগই কলনা-কলনি দিয়া কাদানি অকরলা। বেয়ক এগৌ ইমে উপেইত থাইল। রাজার বইজক উগরে ধরিয়া আনানিরকা বুলিয়া তার সৈন্য উতারে মাতল। রাজার হুকুম পেয়া সৈন্য উতা রাজা এগর বেয়কর ঘরে গেলাগা। তোরে রাজাই যানারকা মাতল বুলিয়া বইজক উগরে আনলাগা। ভাত কিতা হবা করে খৌয়েয়া, সৈন্য উতারেল চুল-মুর খুরাদিয়া, টিকি-ছালি গসেদিয়া, বারেয়া খেদো বুলিয়া নিকালা দিল। দ্বিয় বেইবুনি নুঙেই অয়া থাইলা। মইলকরে উসাদে করতে জেঠা বেয়ক উগৌ কিত্তাউ না টটরল। রাজা এগর হবা এহানে আকয়া আরাক দেশ আহানর রাজা আগই জিলকরে বিয়া দিল। বেইবুনি এহান এসাদে তিলয়া আকপেইত থাইলা। তার লগে কুকুর এগৌ নুঙেই অয়া থাইল। উহানল কুকুর এতাই মানু জিংতা করতারা বুলতারাতা।