হাবিহান গেলাগা। কুকুর এগৌ কাদিয়া উপেইত বয়া আছে। মানু এতাই গিয়া কুকুর এগরে হুনার দলেইহানাত কাকরলা। কাকরিয়া আনতে আনতে পথ মেরাকে আমাংপা আকচানি দেহিয়া ফালদিয়া লামিয়াউ উতা খেইল হানতে এতাউ বেলাদিয়া আইলা। এতা আইলা পথ উগ কুকুর এগই দেখল— তানুর পিছে পিছে লগে লগে আহের। কুকুরগতে আনে নুয়ারলাইতা বুলিয়া রাজাই আংকরতে তানু মাত্তারা — হাই রাজাগিরি! আমাংপা আকচানি দেহিয়া ফালদিয়া লামিল হানতে দলেইহানাত আনে নুয়ারলাং, আহানিতে আহের আমার লগে লগে। রাজাই এগদে কুকুর উগ নাহেছে পেয়া ভাত না খেয়া, আহি না মেলিয়া থাইল। রাজাগিরি! কুকুরগ আহিল— বুলিয়া মাতলা হানতে আহিগি মেলিয়া চেইতে দেহের হাইহান অছে। উতা অইলেতে মোরতাউ ভাত হাজেই, তারতাউ হাজেই বুলিয়া রাজাই মাতল। পেট বুজে ভাত খেইলা হারৌ হারৌ অয়া। রাজফামহান পেয়া মুনিশৌ এগৌ নুঙেই অয়া থাইল। কুকুর এগৌ নুঙেই অয়া থাইল। রাজা এগর বেয়ক-বইজক উগিতে খেইলতা নাপেইলা। লেইরাহানে জারে নুয়ারিয়া ভিক্ষা মাগৌরিগা বুলিয়া বেয়ক উগ সন্ন্যাসীগ অয়া ভিক্ষা মাগের। ভিক্ষা মাগতে মাগতে বেয়ক রাজাগ অছে দেশ এহানাত আয়া হমেইলগা। বেয়কর ঘরেউ আহিল। রাজা এগই