পানি ফুটি পিংগা, তি পারগত বহ্ বুলিয়া পহুরিগত লামেছেগা। ঔ তাঞ্জা এগত দলা আত্তি এগই লাগাল পাবেলাছেগা। মুনিশৌ এগ দাপদেউ নুয়ারেছে— দলা আত্তি উগই হরেইগল তুলিয়া মুরগত দিয়া রাজাগ দেনারকা বুলিয়া আনেছে। কুকুর উগরেউ বেলাদিয়া আহেছে। কুকুর উগ মাতেউ নুয়ারিয়া ইমে উপেইত রহে রহে থাইল। এগদে দলা আত্তি এগই শৌ এগরে আনিয়া ফৌকরানিয়ে 'আমি রাজাগ দিতাঙাই উগরে আনল' বুলিয়া হাবিহান য়মইলা। লগে লগে পানি তপ্তা দিয়া হিনাদিয়া রাজফামহানাত শৌ এগরে বহাদিলা। আত্তি এগৌ উপেইত থাইল। মুনিশৌ এগতে কুকুর এগর চিন্তাত থাইল। ভাত দিলেউ খানা নাকরের। মেঠেল মেঠেল করিয়া রাধিয়া দিতেউ আহিগি যে জিপাছে উগি মেলানি নাকরের। মানু উতা হাবিহানে মাত্তারা- রাজাগিরি! তোরতা কিতা অছেতা মাত, মেঠেল মেঠেল করিয়া হারৌ হারৌ অয়া রাধিয়া দিতেউ খানা নাকররতা। তা মাতের — মোর দুঃখহানতে আকহান, মোর দেহগ য়ৌয়য়া য়ক্করেছু কুকুরগ যেগই মোরে জিংতা করল উগ উপেইত পহুরিগর পারগত কাদিয়া বয়া থাইল। কুকুর উগ আনে দাদেইগা। হুনার দলেই এহানল গিয়া কুকুর উগ মোরে আনে দাদেইগা বুলিয়া মাতল। 'অ! হিন নাপেই রাজাগিরি, আমি আনাত যিয়ারগা' বুলিয়া