নাদেহিল দেশ আহানাত যিকগা। এহান ঠিক করিয়া তানু আরাক দেশ আহানাত যিতারাগা। দ্বিয়গি গাঙ আহানাত হমাছিগা। পটর ঘর আগত দিবস আহান করতারাতা। কুকুর এগই মাতের— তি এরে গাছ এজারর গুড়িগত বয়া থাক, মি তোরকা ভাত চারুক আহান আনে দিংগা। শৌ এগই কিসাদেতে যিতেইগা বুলিয়া মাতের। কুকুর এগই মাতের মি যেসাদৌ যিতৌগা হিন নাপেই বুলিয়া। শৌ এগ উপেইত থাইল। কুকুর এগ তারে থদিয়া গেলগা। ভাত বিলেইলা। কুকুর এগই মানুর হের চেইতে চেইতে পটর চালুক আহানাত্ত ডাঙর ভাত গটা আগ থক্করে কামাড়েয়া গিয়া আনলগা। শৌ এগরে ভাতর গটা এগ দিয়াইল। ভাত খেয়া হদেয়া পানি টাটি পাউরি বুলিয়া মাতল। কুকুর এগই ডলুর চুঙশৌ আগ বিসারতে বিসারতে পেইল। কুকুর এগই চুঙশৌ এগ কামাড়েয়া দাপদে গেলগা। পহুরি আগত্ত পুরি চুঙ এগল পানি আনিয়া শৌ এগরে দাদিল। এসাদে করিয়া কুকুর এগই মুনিশৌ এগরে জিংতা করিয়া বারো আটানি অকরলা। দেশ আহানাত রাজাগ দেনারকা বুলিয়া দলা আত্তি আগ দিয়াপেঠেয়া মাতেছিতা— তি যেগ পেইতেই মানু আগ আনিছ রাজাগ দেনারকা, আমার দেশ এহানাত রাজা অকুরা মানু নেই। আটতে আটতে হিনপেয়া মুনিশৌ এগই কুকুর এগরে মাতের— মি এরে পহুরি এগত