হাবিতা মাতল। জিলকে মাতিরি — উহানরকা হিন নাপেই ইমা মিহে ব্যবস্থা করতৌ নাই। এবাকা খেয়া পেয়া নির্ঘুমে ঘুমজা। মাদানে আলনির মাপা উহানাত জিলকে ডাঙর ডুম্বা আগ আনিয়া মাতিরি - ইমা তি এগর ভিতরে হমা। মালক হমেইলি আরো হবা করে তেনাল ডুফা আগ খিল মারিয়া দিলতা, আর ফুকানির উপায় নেই। ডর নেই ইমা, নুঙেই অয়া থুঙনাত পড়লেগা বুলিয়া ডুম্বা উগ য়ৌকরে ঠেলা আহান দিল জিলকে। ডুম্বা এগ গরগরেয়া সালইল। পথে বাদর দাপা উহানে পেয়া আংকরলা— ডুম্বেকে ডুম্বে, তি হাংকার বুড়ি উগরে দেখলেতা? ডুম্বাগই মাতল — মি ডুম্বেইতে কিতা মাততু? উহানাত বাদর উতাই ‘যাগা যাগা’ বুলিয়া ডুম্বাগ এরাদিলা। এসাদে করিয়া বুড়ি এগ ডুম্বাগর ভিতরে হমেয়া বাঘ দ্বিয়গি বারো বগা উতারাংত লিতয়া আহিলি। লেয়ইতেগা হিয়াল উতাই পেইলা। 'এই ডুম্বাগ তি হাংকার বুড়ি উগরে দেখলেতা' বুলিয়া ডুফাগ আসুল দিতেই ডুফাগ ফুকিল। ভিতরেও বুড়ি উগরে আসুলিয়া নিকালা বেল্লা। বুড়ি উগই মাতিরি- বাবাগাসিয়ো মোরে খেয়ো, মি আগে দৌ হমাদে বেলাং। বাদর এতা বেরিহান দিয়া বয়া মাততারা — ত্বরাকো হমাদে। খানাহান বাসা নারলাং। বুড়ি উগই হিনেইল, পাতা হাতহানরমা এই