খানি দিয়া পারেঙ আহান লেংকরিয়া আচমন করিয়া আহিগি জিপেয়া বহিলি। বয়াতে - কু-তু-উ... বুলিয়া ডাহানি অকরল। হিয়াল এতাই মাততারা — এই বুড়ি, কুকুর ডাহুরিতা? 'না বাবা, মি প্রভুরে ডাহুরিতাহে বুলিয়া বারো কু-তু-উ... বুলিয়া ডাকল। বুড়ি এগর ডাকহান হুনিয়া কুকুর এতা কান হিঙারলা। সিং কুকুর আগই মাতের ইমা বিপদে পড়লি সাত। হাতো বুলিয়া হাবিগি কুকুর দাবদানি অকরলা। এগদে বুড়ি এগই বেদম ডাহিরি কুকুর উতারে। অইতে অইতে কুকুর এতা বুড়ি এগ আসে উপেই ফৌয়ইলাগা। কুকুর এতা দেহানিয়ে হিয়াল দাপা এহান দিলা দাপহান সিয়াউকো মাঙো পড়লাগা। বুড়ি এগরে হম্বুকহানাত দিয়া কুকুর এতা ঘরেদে আলইলা। ঘরে আয়া নুঙেই অয়া থাইলাগা।