যিতেগা বগা দাপা আহানে বুড়ি উগরে পেইলা। উতায়ৌ বুড়ি উগরে খানারকা মাতলা। বুড়ি এগই আগেকার ঠুনা মাতিয়া লিতইলি। আরাকৌ খানি যিতেগা বাঘ দুগরে পেইল। উতায়ৌ এব্বাকা খাবেলেইক বুল্লা আরো কুনোমতে আগেকার ঠুনা মাতিয়া গেলিগা। অইতে অইতে জিলকর ঘর পেইংগা বুলতে বাদর দাপা আহানে লক্ষাহানাদেত্ত দাপদে আহিয়া বুড়ি উগরে বেরি দিয়া ধরলা। বুড়ি উগর মচা উতা কাড়লাত লেপইলা। কিমে করত বুড়ি উগই 'বাসেই বাবাগাসিয়ৌ বাসেই' বুলতেতে পেঙতালিয়া বাদর আগই 'খাবেলেইক বুড়ি জেলা এগরে ধরো ধরো' বুলিয়া মাতের মাপা উহানাত বাদর জেলা আগই মাতিরিতা — এ বুড়ি কুরাং যাউরিগাগ? কাদে কাদে বুড়ি এগই মাতিরি — মোর জিলকরে দেহা আহান করিয়া আহিংগা বুলিয়া সালছুতা। মোরে খেয়ো খানিং চুয়া বাসেই। আজি মাদানে যেসাদেউ ফিরতৌ, উপেই মোরে খেয়ো। উহানাত বাদর উতাই এরাদিয়া মাতলা - যাগা ফিরতে খেইতাঙাই বারো নাহিলেতে আকদিন না আকদিন পেইতাঙাই উপেই হিন দিয়া দিয়া খেইতাঙাই। বুড়ি এগ জিলকর ঘরে গিয়া ফৌয়ইলিগা। ডরহানে বুড়ি এগই কাদে কাদে জিলকরে মাতিরি — মি কিসাদে যিতৌগাতা? জিলকে মাতিরি — কিতা অছেথাং? উহানাত বুড়ি এগই য়ারিহান ফুকেয়া