অছে, ফাছে এমন গড়া আগ মাকরে মাকরে চারতা। চেইতে চেইতে বাঘ এগরে গিয়া পেইলগা। পেয়া ‘এগতে চাংখল অছে, ইমে এগরে নিতৌগা' বুলিয়া গারগত থক্ক দড়িগাস পিদা দিয়া ফালদিয়া পিঠিহানাত চড়েছে বাঘ এগ হাউম হাউম করিয়া দাবদানি লাগেছে। বাঘর শব্দ পেয়া দেশ উহানার মানু হাবি উঠলা। উঠিয়া চেইতারাথাং বাঘর পিঠিত হাজারিমাল কায়া দাবদের। এহান রাজারাং মাতলাগা। রাজাই হুনিয়া মাতের — পাইছিরে সোনার চান! এগদে হাজারিমালে মাতের — গেছিরে ভগবান! এসাদে করিয়া হাজারিমাল নিজরে দেশান্তর করিংগা বুলতে বাঘগরে দেশান্তর করিয়া সেনাপতিগর গজর ফাম উহান কাড়ল। বারো কতদিন যিতেগা যিতেগা যুদ্ধর আরাক দিন আহান ঠিক অইল। উদিন সিবেই হাবি প্রস্তুত। হাজারিমাল মনে মনে খালকরের আজি মরাত পড়লুতাকো হাজারিমাল প্রস্তুত অইল যুদ্ধত যানারকা। সময় উহানাত খালকরের - আগেতে চাংখল গড়াগ বিসারতে বাঘগ ধরেছিল। আইত্তে কিগ নিতৌগাগ? বিসারতে বিসারতে রাজার উচ্চশবার গড়া উগ পেইলগা। উগতে নাখেইতে নাখেইতে হুকিয়া লেয়ছে। গড়া উগরে হিনাদিয়া খৌয়েইল। গড়া উগরতা কি হারৌহান। ফালদানি অকরল। হাজারিমাল যুদ্ধর ফিরই পিদিয়া গড়াগত চড়তে না চড়তেই গড়া