উগ হাগহানাদে ফরদানি অকরল। হাজারিমালে নিংকরেছিলতা ‘মরানির আগে হাবিরে আকমাউ চেয়া যিতইগা বুলিয়া।' কিন্তুমান গড়াগ হাগহানাদে ফরদানিয়ে মাতেরতা— মি গেলুগা মোরে জিংতা করো। এগদে সিবেই এতাই হুনতারাতা ‘তুমি আকগৌ নাহিয়ো, মি আকখুলাগই লয়করিয়া আহিতৌ।' এসাদে করিয়া গড়াগ হাগহানাত মাঙইলগা। হাজারিমাল গড়াগর চামহানার লগে নাপয়া থাইল। গড়াগত চড়িয়া গজে গিয়া চারথাং য়েকনাপার সিবেই উতা যুদ্ধত সালছি। হাজারিমাল হাগহানাত থায়া তলেদে হাদি হাদিত আহিথম মুকেয়া চেইতেই দুনিয়াহান খুয়া খুয়া করিয়া দেহের। গড়া এগ য়েকনাপার উগদে সালোদিয়া যারগা। যিতেগা পথগত ডাঙর বট আকজার আছিল, বট উজারর ডাঙর ডেঙ আগল আক্রমণ করল উহানাত য়েকনাপাই লম্বেই কাপকরানি অকরলা। লম্বেইর গুলি উতা ডেঙগত লাগিয়া কিত্তাউ নার। কিন্তুমান হাজারিমাল গড়াগর আহির পলকহানাত য়েকনাপা দাপার হাবিরে পিসিয়া মারেবেল্ল। হাবিরে মারিয়া যুদ্ধহান লেইকরিয়া হাজারিমাল দেশে আলইল। দেশহানার চারিগদে হাজারিমালর জয়ধ্বনি লৌকরিয়া হাবিয়ে হারৌ অইলা। যুদ্ধত্ত আহিয়া হাজারিমালে মাতেরতা — গড়াগ হিনাদেই। মি হিনপেইলু। ফাম আহান যোগার করো। বারো নিংশিং