আনলাগা। রাজাই উহানাত মাতল — হাজারিমাল, মি তোরে মোর সিবেই এতার সেনাপতিগ হংকরানি চাউরি। কথাহান হুনিয়াই হাজারিমাল এগরতা ঠইমামি চয়নির ঠুনা অইল। খানি আহান নিজরে তেমজেয়া মাতল— উহানতে রাজাগিরির ইচ্ছাহান নাই। এসাদে করিয়া হাজারিমাল এগ ভগবানর কৃপায় রাজার কন্নুঙে রাজার সেনাপতিগর পদহান ঙালকরিয়া থাইল। রাজাই আকদিন হাজারিমালরে ডাহিয়া মাতের — আমার কাদার দেশ এহানর লগে আমারতা যুদ্ধ করানিই লাগতই। তি ব্যবস্থা কর। হাজারিমাল এখুরুম পড়িল বিপদ এহানাত্ত কিসাদে জিংতা অনি বুলিয়া খালকরের। লেয়ইতেগা লাম বেলেয়া দাবদানির ফিকির করানি অকরল। রাজার কন্নুঙে ইচুদিন খেয়া থানাই হাজারিমালরতা গারিগ মলপাকগ পারা অছে। রাজাই মাতেছে যেগ মনার উসাদে গড়া আগল যুদ্ধত যানারকা। হাজারিমালে খালকরের যুদ্ধর আগেকার রাতি উহানাত- আজি রাতিই মোরতা দাবদিয়া যানা লাগতই। উতা বুলিয়া কালাচিঙখেইত উঠিয়া আস্তাবলগত হমেয়া আধার উহানাত মাকরানি অকরল। দিন উহানতে কিহান অসে বুদে বাঘ আগ গুরু খানাত আহিয়া আস্তাবলগত হমাপড়েছেগা। এ সময় এহানাত হাজারিমালরে দেহিয়া বাঘ এগ বারা আহানাদে থেয়য়া থাইল। এগদে হাজারিমাল এগ চাংখল