ছাত্র উগরে হেইচা করল। চিঠিহানর কথাহান আছিলতাই - এরে আহের মানু এগ মোর য়েকনাপাগ। এগরে মারিয়া গাতা বেলেয়ো। চিঠিহানর কথাহানি হুনিয়া মেকাটাই ছাত্র উগরে হেইচা করল — হে বেয়কগ, মি তোরে পয়সা খানি দিতৌ তি মোরে চিঠি আহান ইকরেদে। ইকরানির কথাহান অইলতাই - আহের মানু এগ মোর ইতাউগ, এগরে আদর যত্ন করিয়া হবা করে থয়ো। এসাদে করিয়া বামুন এগর চিঠি এহান ছিড়িয়া নুয়া চিঠি উহানল হৌরিয়লর ঘরে গেলগা। চিঠিহান তামকরিয়া মেকাটারে জবর আদর যত্ন করিয়া থইলা। বামুন এগই এগদে খালকরের এতদিনে মেকাটা স্বর্গত গেলগা নিশ্চয়। কিন্তুমান দশ বারোদিন পিছে মেকাটা এগ আরাকৌ গারি ফায়া হবা অয়া বামুনগর মুঙে উবাইলগা। বামুন এগ ঙাকয়া চার, কিত্তাউ টটরা নারল। আকদিন বামুন এগ মেকাটারেল হৌরিয়লর ঘরে সালইলতা। যিতেগা মিষ্টি, এই-পাত কিতা ভার আহান মেকাটার লেম্পালে দিয়া মাতল— সিঙইস খেইবে। মোরতা পিঠেয়েদেউ আহি দুগ আছে। এতা বুলিয়া বামুন এগ আগে আগে পথগ চিনকরিয়া সালইল। যানার পথে মেকাটাই কিহান করের বুল্লেতে রসগোল্লা আগ ধরিয়া বামুনগর পিঠিহানাদে 'চা এরে' বুলিয়া খার। এসাদে করিয়া ভারহানর হাবিতা খেয়া হুদালা করে