ধরিয়া আছাড়েয়া মাটিহানাত বেলেয়া ধান ভার উহান থতাহানাত যাতেয়া বরা দিয়া মারেবেল্ল। বামুন এগ ঘরে আহিয়া লাংলা এহান দেহিয়া সৌয়য়া পরল্লেই অইল। নিকুলিয়া যাগা বুলিয়া মাতিং বুলতে থতাহানাত্ত আলথক অয়া আহিল- কানহান কাপানির ডরে। উহানাত বামুন এগই মাতেরতা- কিহান করলেহান এহানতে? মেকাটাই মাতের — হে বামুনগ, তি যেহান মাতলে উহানই মি করলু নাই। তেই যেপেই মাত্তই উপেই ধান ভার থইস বুল্লে থাংতে তেইতে তেইর থতাহানাত থনারকা মাতল আরো মি তেইর থতাহানাত থদিলু। মোরতা দোষ কিতা? বামুন এগই আরতা কিত্তাউ গুজুরে নারের। এগরে কিসাদে তালকরানি য়াকরতই এহানর বুদ্ধি আহান বিসারানি অকরল। খালকরতে খালকরতে বামুন এগই পথ আগ পেইল। হৌরিয়লর ঘরে দিয়াবেঠেয়া মেকাটারে মারানির ফন্দি আহান করল। চিঠি আহান ইকরিয়া বিয়ান্ত মেকাটারে ডাহিয়া বামুন এগই মাতল — এহানল তি মোর হৌরিয়লর ঘরে যাগা। গিয়া দিয়া আইগা। চিঠিহানল মেকাটা সালইল। যিতেগা পথগত মেকাটাই খালকরের চিঠি এহানর ভিতরে কিতা ইকরেছি মোরতা হারপানি লাগতই। উহান খালকরতেই ইস্কুলে যারগা ছাত্র আগরে মুঙহানাত পেইল। পেয়া চিঠিহান দিয়া পাকরিয়া হুনাদেনারকা