বেল্ল। হৌরিয়লর ঘরে হমানির আগে বামুন এগই আংকরের - ভারহানর হাবিতা সুয়য়া আছেগ? মেকাটাই মাতল - হাব্বি খাবেল্লু। —কিয়া খেইলেতা? –তি মাতলে তোর পিঠিয়েদে আহি দুগ আছে। হানতে তোরে দেহা দেহা খেইলু নাই। কই তিতে কিত্তাউ না টটরলে? বামুন এগ আরাকৌ সৌয়য়া পরল্লেই। ফি ফি করিয়া হৌরিয়লর ঘরে হমেইংগা বুলতে মেকাটাই মাতের — বাসা বাসা মি আগে গিয়া মাতিংগা তোমার জাঙাক আহের বুলিয়া। খানি মানি সম্মান পেইবেতা। তানু ঙক্করিয়া নিবাগাতা। বামুন এগ কথাহান য়াকরল। মেকাটা আগে গিয়া হৌরিয়করে মাতলগা তোমার জাঙাক আহের বুলিয়া। আরাকৌ মাতল — তোমার জাঙাকতে থঙাকহান লাগিয়া কিত্তাউ নাহার হুদ্দা কচু উহানা দিয়া খারগ। মিতে হাব্বিতাউ খাউরি। জাঙাক ঘরর গেইটগর মুঙে আহানিয়ে ঙক্করিয়া আনলাগা। আনিয়া সেবা যত্ন কিতা করানি অকরলা। কিন্তুমান খানার সময়ত দিতারাতা হুদ্দা উহানা দেছি কচু। বারো মেকাটারে দিতারাতা জাত জাতর খানারতা। মাছর হৌ, ঘি, দই, সেলকম হাব্বি। এসাদে দিন আহান, দুহান যানাই বামুন এগর পেটগ জবর খারাপ অইল। রাতি নুঙেইত দুয়াত যানা আগ আহিলতা। মাঙনিরকা পেটগ কামাড়ার। মেকাটাই মাতের— রাতি এবাকা