আছিলি উসাদে ইমে থাইরি। বেয়ক এগই বনকরে ইমে চার। এসাদে করিয়া এগই হিঞ্চাপিগ অয়া মানু খেয়া খেয়া থাইলি। বেয়কে হারপেইল এগই গরর মানুগি হাব্বিগিরে খেইতই। উপেইত মালকরে আকদিন জিলক হিঞ্চাপিগ অছে উহান বাগেইল, তা দেহেছে দেহেছে উতা হাবি বাগেইল। মালকে সুপ বিশ্বাস নাকরিরি। গরর মানু আকগরেউ তা বুঝা নারের নাইল উপেই গরগ বেলেয়া এগ গেলগা। বনে বনে থাইলগা। তা থাইলগা উপেই ডাঙর উচ গাছ আকজার আছিল। উজারে শৌ কতগ জরম দিয়া লাঙটিয়া মালক আগ কুম্পেইত গিয়া আরতা নাউ আহিরি। শৌ উতা খানারতা নাপেইতারা। তা খানা আনিয়া এতারে খৌয়ার, পালের। হানতে থক্ক ডাঙর নাইতারা। লাঙটিয়ার শৌ বারো মানুর রকত খেইলে ত্বরা অয়া ডাঙর অইতারা, ফরদে পারতারা। এতারে থক্ক ডাঙর করানিরকা নিজর রকত খৌয়েইল। এতা ফরদানি অকরলা। উপেইত লাঙটিয়া উতাই তারে মাতলাতা — 'তি যেবাকা যেপেইত বিপদে পড়তেইগা উবাকা আমারে নিঙশিং অইস।' এসাদে থাইতে থাইতে খাংদা আকদিন মালক বাপক বেইবুনিরে নিংশিং অইল। এগ এতারে চানাত আহিল। এগদে বারো হিঞ্চাপি বনক এগই গরর হাব্বিগিরে খেয়া আকখুলিগ ঘরে আছে। বেলিটিকে বাত রাধানিরকা হিনাত যিতেগা