গাঙ আহানাত গর আগ আছিল। ঔ গর উগত মালক বাপক বারো চারিগ শৌ আছি। উতার মাঝে হাবির খুল্লিগ জিলক। জিলক উগরে গরর মানু হাব্বিয়ে বানা নুংশি পেইতারা। জেঠা এগই ঘরে উদুর আগরে নিয়াম বানা পেইল। উগয়ৌ এগরে নিয়াম্পা বানা পার। নিক্কা রাতি-নুঙেইত তানুর গরর উত্তর উহানাদে মানুয়ে চিকারি দিয়া - ‘জিংতা করো আমারে খেয়া লইকরল, মারল’- বুলিয়া চিকারি দিতারা। উগদর মানুরে আংকরতে উতাই মাততারা হিঞ্চাপি আগ কুম্পেইত্ত আহিরিগ কি জানে। দাত উতা ডিগল, চুল উতাউ আঠুগর তলে, আহিগিয়ৌ ইমে ডিমলৌগি পারা, বাবারো- দেখলে হারপানি, মাতিল বিকারহান নাগই হে। হানতে উসাদে ইমে হুনতারা। জেঠা উগ বারে বারে দুয়াত যারগা। এসাদে দুয়াত যিতেগা মাঙকলে গিয়া দেহেরগাহান কিহান বুল্লেতে, বনক খুল্লি উগ খানি খানি ডিগল অইতে অইতে চালহানাত লাগানির মাপা উহান অইলি। এগদে বেয়ক ইমে পিছে উবায়া থাইল। চারহান কিহান বনক হিঞ্চাপিগ অয়া ফরদিয়া গেলিগা। এগ গেলিগা উপেই তাপকো তাপকো উঠানহানাত আহিয়া উবাইল। উপেই উবায়া হুনেরহান মানুয়ে চিকারি দিতারা। এগদে এগ ডরহানে ঘরে আহিয়া তাপকো ফামহানাত হমেইলগা। পিছর দিনে ইমে তেই ঘরে যেসাদে