হিঞ্চাপি বনক এগ বেয়করে মাতলহান দাদা তি এ ডাক এগ বাজা। সুপ না থামেইসকো। উপেই মি এগর শব্দ এহান হুনে হুনে হিনেইতৌ। এগ হিনাত গেলিগা। এগই ডাকগ বাজার। উপেই খাংদা গাতগত্ত উদুর উগ নিকুলিয়া মাতের, তিতে কিয়া আহিলেগ! দাবদে! দাবদে! বেয়ক এগই মাতের, না না এরে ডাক এগ বাজানি থামিমতাই তেই আহিয়া মোরে হিঞ্চাপিগ অয়া খেইতই। উদুরগই মাতের- তি কাম আহান কর, মি লেজগল তোর ডাক উগ বাজেইং, তি সেপ এহানাত দাপদে। বনক হিনেয়া পিঠেয়েদে চেইরিথাং বেয়ক দাপদিতে আছে। বেয়ক পিঠিয়েদে চারথাং এগই তালকরিয়া আহিরি। বেয়ক এগ গিয়া হেইকিরি আকশপাত কাইলগা। হেইকিরি শপাত কাইতেই হিঞ্চাপি বনক এগ গিয়া ফৌয়ইলিগা। বেয়কে হেইকিরি ছিড়ে ছিড়ে উরাদের। এগ থেয়ইরি। গাছ শপার হেইকিরি লয়নি বিত্তা অইলগা। উপেইত উরে লাঙটিয়া উতারে নিঙশিং অইল। নিংশিং অনার লগে লগে উতা আহিলা। উতাই কিতাই তিলয়া হিঞ্চাপি উগরে মারলা। লাঙটিয়া শৌ উতাই পাংলাকর প্রতিদান আহান খানি মানি দিয়া পারলাং বুলিয়া হারৌ অইলা।