অইতে লুহোঙর দিনর রাতিহান ফুয়েইল। বিয়ান্ত নাগাচি কিতা আয়া লুহোঙর ঢাক বাজানি অকরলা। চিঞ্চিরিকপি এগ হারৌ অয়া হিনানিরকা গাটহানাত গেলিগা। গাটহানাত গিয়া তেই হিনেইরি এগ হিনেইরি। এরে লয়ইল বুলতৌ লই নাইরি। গারি উগ তাক্করে তাক্করে এলাশৌ আহান দিয়া হিনেইরি। এগদে বারো গাটহানাত কাকারা আগ চিঞ্চিরিকপির হিনানির ডিল এহান দেহিয়া জবর খাংকরে নারল। য়ৌয়য়া সৌয়ইল। সৌয়নিয়ে আকয়া কাকারা এগই কিহান করবহান দিশা নাপার। অইতে অইতে কাকারা এগই চিঞ্চিরিকপির জাঙহানাত কামড় আহান দিলগা। কামড়হান এমন জবরদস অছে চিঞ্চিরিকপি এগ দুহানিহানে কাদানি অকরল। কাদতে কাদতে হাদিতৌ জবর সৌয়ইলি। কিহান করত দিশা নাপেয়া লেয়ইতেগা হেইনিং আকজারে কাইলিগা। কায়া হেইনিং খেইতেতে আৎকা ডেঙ আগ বাগিয়া গাছজারর তলর বের আহানর গজে পড়লি। বের উহান বাগিল। উতাপারা সময় উহানাত রাজাগিরক পথ উগদে দিয়া যারগাতা। বেরহান পড়েছে উহান দেহিয়া রাজাগিরকে আংকরের— বেরহান তিতে কিয়া পড়েছত্তা? বেরহানে মাতল — হেইনিংগ পড়িয়া। - হেইনিং তিতে কিয়া পড়লেতা? - হাই, চিঞ্চিরিকপি চড়িয়া। – চিঞ্চিরিকপি, তিতে কিয়া চড়লেগাতা? – হাই, কাকারাগই