কুনো দেশ আহানাত রাজা আগ আছিল। রাজা উগরতা নিঙল আগ আছিলি। নিঙল উগর নাঙহানতে চিঞ্চিরিকপি। রাজার নিঙল এগ সাতহানতে ইমে দৌজেলাগ পারা। গারিগর রঙ উহান অরতে পুর্ণিমার জোনাকহান নাই। আহি উগি অরিঙর আহিগির সাদে মায়াজালহানল হংকরেছিগি পারা। চিঞ্চিরিকপির গারিগত্ত পারিজাত ফুলর গত আগ হাবিসময় নিকুলিয়া থার বুল্লেউ য়াকরের। গারি উগর বাটহানতে পানতামনা দেনার পথ নেই। অরতে রাজার জিলক নাই। চিঞ্চিরিকপির বয়স উনিশ ফাইল উপেই তেইর রূপ উহান চারিগদে ঙালয়া পড়ানি অকরল। অরতে সময়হান বুলিল উহান অছে। রাজা এগই জিলকর রূপ এহান চেয়া কালাক পেলর। জিলকরে রামদিন ঘরে থনা নাকরল এহান হারপেইল। রাজাই দেশে ঢোল দিল জিলকর উপযুক্ত পাত্র আগ বিসারেয়া। কনকপুরর রাজার পুতকর লগে জিলকর লুহোঙহান ঠিক অইল। লুহোঙহান ঠিক অইল আরো চিঞ্চিরিকপি এগ হারৌহানে থাইব পথ নাপেইরি। আকরুম গিয়া ববাকরে কলকরিয়া ধরিরিগা। আকেইখুরুম তেইর হমাজকর লগে হারৌর ফাগি দিরি। লুহোঙহান অইতে আরাকৌ পনরো দিন আছে। চিঞ্চিরিকপি এগ এতাপারা দিন একুচ কিসাদে বাসানি বুলিয়া হমাজকরাং আংকরিরি। দিন আহান লালর এহান বছর আহান লালনির মাটিক। অইতে