কামাড়েয়া। - কাকারাগ, তিতে কিয়া কামাড়লেগা? - বরন নাদের বুলিয়া। - বরন, তিতে কিয়া নাদরতা? - রাজাগিরি, কেরবঙগই না রহের বুলিয়া। - কেরবঙগ, তিতে কিয়া না রহরতা? উহানাত কেরবঙ উগই কিত্তা আহান গুজুরে নারল। কুনো কথা টটরা নারল। লমইতেগা রাজাই হারপেইল হাবি দোষ ইমে কেরবঙ এগরতা। রাজাই উহানাত আত্তি আগ আনিয়া কেরবঙ উগরে পারা দিয়া পেকাটা করিয়া মারল। চিঞ্চিরিকপিয়ে কেরবঙ উগ মারানিয়ে মনহান জবর হিনপেইল। বিনা দোষে কেরবঙ এগ মারলা বুলিয়া। তেইর দুঃখ উহান রাজাই হারপেয়া পিছেদে কাকারা উগরে বারেয়া মারেবেল্ল। উহানাত চিঞ্চিরিকপি গাটহানাত লামিয়া হিনেয়া ঘরে আহিলি। গোধূলির লগ্নগত লুহোঙহান অইল। রাজাই দেশর প্রজা হাবিরে বার্তন করিয়া বান্দারা খৌয়েইল। বান্দারা খেয়া প্রজা হাবিয়ে দামান কইনারে বর দিয়া গেলাগা।