ঙকখি ঙারাল করিয়া থদিরি। বুড়া উগই দেশে দেশে উদুরশৌ এগ মাতাম ফাইলি থাংতে ঢোল দেওয়েইল। মোর জিলকরে রাজা রাজেশ্বর পেইলে লুহোঙ দিতৌ। মোর নিঙল এগ সাদে গুণে রাজারাং সিজাগ অয়া থানার উপযুক্তগ। কিতাপারা দেশ আহানর রাজা আগ পুতকরকা কথা বেল্ল। দিনতারিখ লেপকরিয়া আত্তি, গড়া, দলেই কিতাল রাজার পুতক আহিল। মালঠেপগত দানর বার কিতাল ফালু চেয়া চেয়া বহিলা, কইনাগ বুলিরি মাপা উহানাত রাজার পুতক এগই কইনাগ নাদেহের। ফি-ই-ইকো সৌয়ইল এহান কিহান বুলিয়া। বাপক বুড়া রাজা উগই মাতের — বাবা মি কথা দেছু থাংতে যেগ অয়াউ থাক এগরে কইনাগ করিয়া নেনাত পড়তাঙাই। বাপকর রাথাংহান বুলিয়া দাত কামাড়েয়া কুনরকম পানির কাটাগ অয়া থাইল। উদুরশৌ এগরে হুরকাং খুচেই আগ, বারো তেইর পিদব হুরকাং ফুতি উতা হাবি ফিয়ম করে কাপানা আহানাত বরেয়া রাজার কন্নুঙে নিলাগা। রাজার পুতক এগই খালকরের উদুরজেলাগর তুলো খাটলগত হমেয়া কিতা করতু। নিক্কা দুয়াদেত্ত আহিয়া খাটলগ চার থাং - ফুতিফালি ঙকখি করিয়া পাজালেয়া থদেছি। তা খাটলগত থার উবাকা উদুরজেলা এগ লেজগ হাটা হাটা কাঙাতলেদে, বারাদে দাপদে দাপদে থাইরি। গাঙগরেদে