কুনো লাম আহানাত বুড়াবুড়ির হেইমাক আহান আছিতা। শৌ জিপুত নেই। কিকগৌ নেই। বুড়া আকয়া ককরক চেলইলা। দিন যারগা মাহি খালকরতারা শৌ আগৌ নাপেইলাং, কিহান অইতাঙাইতা, কিসাদে জিংতা অনি? কিতাপারা দিন আহান বুড়া এগই বুড়ি উগরে মাতেরতা— বুড়ি, তোর শৌর খৌরাং এহান আকইল। থাংতে উরে ঝাপি মুকেয়া চাগা। হবা নিঙলশৌ আগ ইতু করিয়া থদেছু। এ বুড়া, ফাগি দিবে পথ নাপাছত্তা— বুলিয়া বুড়া উগরে গুজুরে গুজুরে ঝাপিগ গজেদেত্ত লামেয়া মুকেয়া চেইরি থাংতে হুরকাং উদুর আগ। চেইতেতে হুরকাং উদুর এতা টেইপাঙ মানু মালইতারাহান অছেকো। অ বুড়া, টেইপাঙ মানুয়ে জরমদিতারা শৌ এতা এসাদেতা? বুড়াই মাতের — হাই হাই ইমে এসাদেতা না। য়ক্করিয়াহে ডাঙর করিকনে। দেখতেই কিজাত রাজা রাজেশ্বররাং ঠাচা করতাঙাইতা। উদুরশৌ এগ বাক্কা ডাঙর অইলি। লেজগ হাটা হাটা বারনর নাম্ফাদে, চেম্ফুয়েদে, কুন কানেদে কিতা দাপদিরি। চিরিক চিরিক রহে রহে কুনে কানচেলেদে আটিরি উহানৌ বুড়াবুড়িয়ে কালাক পেলয়া চেইতারা। নিজে কাটা খেয়া উদুরশৌ উগরে খুতহানি খৌয়েইতারা। কামহানকো সরাত পহুরিত নিয়া হিনাদিতারা। এগুলিয়ৌ টেইপাঙ মানুর শৌর সাদে ঘর হুরিরি,