চর্চেইতারা - অনথকপাহান, রাজার পুতকে উদুরজেলা আগ কইনাগ করিয়া আনেছেগা উনি। তা এগ লাজপা লাজপা কথা এতা হুনের। খাটল এগ কুংগই নিক্কা হুরিয়া লেপিয়া থইতারা মাতে নুয়ারের। আংকরতেউ রাজার লাইক উতাই আগয়ো মাতে নুয়ারতারা। আকদিন তা দুয়াদে যানার সটান দিয়া চরেদে লুমকরিয়া থাইল। চার থাংতে উদুরজেলা উগ সরহান পটেয়া রানীগ অয়া নিকুলিরি। সাত উহান ইঙাল ঙালয়া খাটল উগ ঙালকরেছে। চেইতে চেইতে মুরগ বুলেয়া রাজা উগ পাহাত অ’পড়িলগা। রাজারে দেহিয়া উদুরজেলা এগ থক্ক উদুরর সরহান পিদিয়া থাইলি কন্নুঙগর লাইক কিতা আহিয়া পানি ডাল্‌লা খইতৌ কিতা বাধেদিলা। ঠইমামি চয়োছিল উতা চুমকরে দিলা। পিছেকার দিনে বারো রাজাই লুমকরিয়া চার। উদুরজেলাগই সরহান থইল উপেইত হাতেক্ক সর উহান তা জ্বিগত উড়াদিয়া পরপকো রানী উগরে পামকরে কলকরে বেল্লগা। আ হা হা। কিহান করলেতা রাজা! মুনিঋষি আগই শিরাপ দিয়া মি উদুরগ অয়া আছুতা। আরাক দ্বিদিন বাসেইলে অইসতে আপ্পানেউ মি মোর আসল রূপহান পেইলু অইস। যাগা যাগা মোরে না সকই। কান্থা আহানল মোরে বেরেয়া দ্বিদিনকারকা থদে, পিছেদে আহিস। দ্বিদিন থায়া উদুরজেলা উগ রানীগ অয়া নিকুল্লি।