জাম্বুরাগত হমেয়া থাইরি। বুড়ি এগ দুয়ারহান আংকরিয়া চেইতে চাকামে ভাত হৌ দেহিরি। হঃ বাবারো! কুংগই মোরে ভাত রাধে দিলাতা বুলিরি। যেতাউ অক বুলিয়া খেইল। খালকরিরি থংচিলহানৌ গাটিয়া থার এপেইত কুংগই রাধে দিতারাতা। জাম্বুরাগ খাবেলাং বুলিয়া জাম্বুরাগ নিকাল্ল। এখুরুম দাহান নাদেহিরি। আকদিন দাহান পেইতে জাম্বুরাগ নাপেইরি। উহানল খা নুয়ারিরি। তা থকয়া এইগ পেইতে দাহান নেই, দাহান পেইতে এইগ নেই এহান কিহান। লুমকরিয়া চাং বুলিয়া চেইরি। চেইরি থাংতে নিঙলশৌ উগ খাটিহানাত্ত লামিয়া গরকাম করিরি ভাত রাধিরি। ভাত হৌ রাধিয়া খেইল, বুড়ি এগরকা হাজেয়া তঙাল করে থদিল। উতা পলোগল গুরেদিরি মাপা উহানাত বুড়ি এগ দুয়ারহান আংকরিয়া পপকো কলালেইমারে ধরিয়া আংকরিরি- তি দৌগ না মানুগ? উপেই কলালেইমাই য়ারি এহান হাবি ফুকারেয়া মাতে মাতে কাদল। বুড়ি ইমা ডর নাপেই। দ্বিদিন বাকি আছে মোর দিনহানি ফানা। এবাকাতে মোর কঙালা সর এহানাত বৌহান লাগলে খাংকরে নুয়ারুরি। বুড়ি উগই উবাকা কঙালা হুতার কান্থা আহানল য়মকরিয়া ফামহানাত থদিল। দ্বিদিন থায়া দিন সুয়ইল উবাকা নিকুল্লি। ববাক নাতিনকে নুঙেই অয়া থাইলা।