গাঙরতাই রাজারাং বাগেইলাগা — রাজাগিরি উতাপারা বুড়ি উগর ঘরে কতি হবা নিঙলশৌ আগ আছেতা, দেখলে আহি মিচ্চিল করের। রাজা গেলগা পুতক শৌ এগরেল বুলতে বুলতে বুড়ি উগর গরে। উবাকা নিঙল এগ চিনার ফুতি আহান বুনিরি। লেইরাপি বুড়িগ গলিচার ফিটা আহান নিকালেয়া বহাত দিল রাজারে। বুড়ি উগর তুলো রাজা টটরার। শৌ উগ কলালেইমার কাদাত ফুতি বুনিরি উহান চার। খাংদা লাংচাকগ ছুটিয়া পড়িলহানতে রাজার পুতকরে মাতিরি— হে শৌগ লাংচাক আনগানে। লাংচাকগ পড়ের বারে বারে। এগই তুলেদের তেই উহান মাতব পুরি। লমইতেগা বাপকরে আংকরের - পাবুঙ, জেলা এগই কিহান মাতিরিতা। বুড়িয়ে নাতিনকরে ডাকল — আই ইমা কলালেইমা, রাজাগিরিরে পানা গুয়া দিয়া হমা দেয়া। কলালেইমা নাঙ এহান হুনিয়া রাজাই খাং লাগিয়া বুড়ি এগরে আংকরল। বুড়ি এগই হাতে হাতে য়ারি এহান রাজারে বাগেইল। মইলক বুলিয়া চিনল। গরে গিয়া লুকরে খঙ আহান খুলিয়া মানর কাটা, বেলর কাটা বেলেয়া সেনারম্বিরে ঠেলেয়া বেলেয়া গাতেয়া মারল। রাজাই বারো কলালেইমাই নুঙেই অয়া পুঞ্চি পালয়া থাইলা।