পাহিয়াগ নাদেহানিয়ে আংকরের - পাহিয়াগতে কই-এ। সেনারম্বিয়ে মাতিরি— উরে তোর পুতকে বারিগল ডুয়েয়া পচকো দিতে মরে পড়লিগা থাংতে উগ হৌ রাধিয়া থছু। রাজা নখ আগ পেয়া হৌখেরি উহান নাখেয়া চাকুমর দলে উড়া বেলাদিল। হৌখেরি পড়িল ফাম উহানাত্ত জাম্বুরা আকজার উঠিল। এগদে কলালেইমার ববাক আগ নাতিনকরে উনা অনিত গিয়া কলালেইমারে নাদেহিরি। সেনারম্বির মালকরে আংকরতে মাতিরি— তোর নাতিনকতে রাজারাং থুঙইলিগা। ববাক এগ উঠিয়া রাজার কন্নুঙগত আহিলি। নাতিনকরে বিসারেইরি। নাদেহিরি। জাম্বুরা শপাত জাম্বুরামাহি ধরেছে। আহিতে জাম্বুরা শপাত জাম্বুরা মাহি দেখল। দেহিয়া আগ সিতকো ছিড়েবেলাং বুলিয়া শপাহানাত চেপইতেগা জাম্বুরা শপাই টটরার। জাম্বুরাগ ছিড়তেগা ডাঙর জাম্বুরা আগই মাতের— মোরে নেগা। মোরে নেগা। বুড়ি এগই উগ ছিড়িয়া ফুতি আহানল ইতু করিয়া ঘরে আনল। ঘরে ইতু করিয়া থইল। মানুয়ে নাপাকা বুলিয়া গজে খাটিহানাত ঝাপি আগত লুকেয়া থইল। বুড়ি উগ দুয়াদে বারাদে নিকুলিরি মাপা উহানাত জাম্বুরাগত্ত কলালেইমা নিকুলিয়া ঘরে কাম করেদিরি। ঘর হুরানি, কল দারানি, চাকাম লেপানি, ভাত রাধানি কিতা লমকরিয়া বারো