নাপেইল। কলালেইমারে মারলা উহানৌ রাজাই হারনাপাছে। চিনে নুয়ারল হিঞ্চাপির মায়াত বেঙতাল অয়া, সেনারম্বিরে ইমে কলালেইমা বুলিয়া থাইল। বছর আহান পিছে সেনারম্বিরাং মুনিশৌ আগ জরম অইল। কলালেইমা পাহিয়াগ অয়া নিক্কা রাজার মুঙে ফুতি সরাদেনার পালাঙ আগ আছে উগত ফরদিয়া গিয়া বহিরিগা। রাজা নুকুলিয়া দুয়াদে আটাউটি করের উপেইত কলালেইমা পাহিয়ার ঠারে পালাঙগত বয়া রহিরি। পালাঙগত বয়া থাইরিতাউ ইমে রাজারে দেহিং বুলিয়া। "কু কু কু কু কু" "সেনারম্বি না উথাকতল" "চেই চেরানা থাম্পাল থঙ।" নিক্কা রাজাই এহান হুনের দেহের। আপ্পানে তেই রহিবতাই রাজারতা মন এহানাত হক আগ চেলর, দুঃখ আহান হমার। রাজার পুতকশৌ এগই 'পাবুং পাহিয়া এগ ধরেদে' বুলে বুলে গেন্টার। আকয়া পাহিয়া উগরে চেয়া আই আই বুলানিয়ে ফরদিয়া আহিলি, রাজার আতহানাত কায়া বহিলি। মইলকনাই হেয়কে ডাহানিয়ে ফরদিয়া আহিলি। রাজাই পলাঙ আগত বরেয়া মাংকলে টাঙিয়া থইল। পানি ধান কিতা কেপিত চুঙে বরেয়া পলাঙগত থদিল। আকদিন সেনারম্বিয়ে পাহিয়া উগ মারিয়া হৌ রাধিয়া থদিল। রাজা রাজসভাত্ত আহিয়াউ নিক্কা পাহিয়া উগরে মাতারগা, বানাপারগা। উদিনতে