বুলের। হিঞ্চাপি এগই দ্বিয়গিরে ফুতি কলো সিলকরৌয়েইল, সেনারম্বিরা খনতিনার লাঙৌ বারো কলো কিতা দিওয়াদিল। বারো যেইগা বুলিয়া দিয়াপেঠেইল। এখুরুম বারো রাজার পুতকে মাতের নুয়া লাঙৌহান পিদেছে বারো সেনাপুলগ কাকালিহানাত থছে উগরে লুহোঙ করতৌ। ঘরে আলয়া মালকরা হাবিতা বাগেইল। গুছ কিতা করতু বুলিয়া রাজারাং কলালেইমার লুহোঙহান দিল। নাদলে বারো রাজাই মারতই ডর আহান। পাচদিনকার উদিন রাজার পুতকে কলালেইমাই পাচর ভাত খানাত আহিলা। হিঞ্চাপিয়ে এগদে বিয়ান্ত ডাঙর পানি আকখাঙ বরক বরক শৌকরিয়া থছে। হিঞ্চাপি এগই দামান কইনা এতারে ঙক্করিয়া বরেইলগা। ফিটা কিতা পারিয়া বহেইল। এগদে কলালেইমারে হাতেক্ক ডাহিয়া মাতিরি— তোর বনক সেনারম্বিয়ে তোর ফুতিফালি, হুনার কাঠি, লিকসই, চাকচাবি, ইনাফি এতা আকরুম পিদিং বুলিরি। বনকে 'হাঃ পিদক কিতাইল' বুলিয়া সেনারম্বিরে পিদাদিল। কলালেইমারে আই তোরে হিনাদিংগা বুলিয়া পিঠির থংচিলেদে নিকালেয়া পিড়া আহানাত বহেইল। ঘরে হমেয়া বরক বরক শৌয়র পানির খাঙ উহান কাদাত নিয়া থইলগা। কলালেইমারে মালক জিলকে মুরগ খাংদা খাঙহানাত জাতেয়া বুরেয়া মারেবেল্লা। চিকারিগ পেয়া দিব হেরহান