নুয়ারিরি। বারো ডরপা ডরপা হিঞ্চাপি মালক উগরে মাতল— ইমা ফেট্টিয়াগতে ডহে পড়িলগা আরাক আগ দেনে। হিঞ্চাপি এগই আরাক কট আগ দিয়া আরাক হুরকাং মাছ আগ দিয়াদিল। আহির পানি বেলা বেলা কলালেইমাই মাছ উগ আদাকাচা পুড়িয়া বেয়ক দ্বিয়গিরে খৌয়েইল। এগদে সেন্দাহান অ'যারগা, মালকর কুনো দেহা নেই। কলালেইমাই বেয়কশৌ দ্বিয়গিল ঘুমজিলি। ঘুমর হাদিত আকা আহিগি মেলিয়া কলালেইমাই যেহান দেখল— হিঞ্চাপি এগই বেয়ক দ্বিয়গিরে চাবে চাবে খানা লাগেছে। পিছর দিনে সেনারম্বিয়ে কলালেইমাই ছড়াত হিনাত গেলাগা। হিঞ্চাপি উগই কলালেইমারে কানা কলো আগ দিয়াদিল, পিদানিরকা দিলতাই খনতিনার লাঙৌ আহান। সেনারম্বিরে দিলতাই নুয়া সেনাপুল আগ বারো নুয়া লাঙৌ আহান। উদিন চেয়া রাজার পুতক আগ সাতালে আহেছে। তানু এপারর ইথলে হিনেইতে হৌপারর ইথলে পানি পিনাত রাজার পুতক লামেছে। এতারে দেহিয়া রাজার পুতকে সেনাপতি উগরে মাতের— উরে খনতিনার লাঙৌহান পিদেছে বাগা কলোগ কাকালিহানাত থছে নিঙল উগরে মি লুহোঙ করতৌ। সেনারম্বি এগ ফি ফি শৌয়য়া বনকরে বেলেয়া ঘরে আহিলি। মালকরে মাতিরি— রাজার পুতকে এসাদে এসাদে মাতের, কলালেইমারে লুহোঙ করতৌ