হেইনৌ লাল্লাম অয়া রাঙা রাঙা অয়া আছে। হিঞ্চাপি উগই মাতিরি— গিদেই, দেখলেতা হেইনৌ এতা কতি হবা অয়া মজিয়া আছেতা? শৌরকা কতগ ছিড়িক, মিতে গাছে কানা নুয়ারুরি থাংতে তি কাগা, মি তলে থায়া লকরিং। কলালেইমার মালক কায়া ডেঙ উতা জাকারেইরি মাপা উহানাত হিঞ্চাপি উগই খলেইগত্ত হরপ উতা নিকালেয়া হেইনৌ শপাত এরাদিয়া দিল। হরপ উতা গাছজারে কানা অকরলা, কায়া হরপ উতাই কলালেইমার মালকরে বেরেয়া কামাড়ানি অকরলা। হরপর কামড়ে কলালেইমার মালক জ্ঞান মাংকরিয়া মাটিহানাত ডমকো পড়িয়া মরলি। কলালেইমার মালকর মাছর খলেই উগল হিঞ্চাপি এগ ঘরে আহিলি। কলালেইমাই আংকরিরি— হুরকাং ইমা, আমার ইমাতে কই? হিঞ্চাপিয়ে মাতিরি — অ, তোর মালক পানিহানাত্ত কা বুলতে নাকরিরি, মাছমাহি পেইরি বুলিয়া। মি রইদ এগত খাংকরে নারিয়া বেলেয়া আহিলু। কলালেইমাই মাতিরি— হুরকাং ইমা, মাছ আগ দেনে শৌগরে পুড়িয়া খৌয়াংগা। অঃ অকনেইতাপির জিলক, মাছগ দিঙ আই বুলিয়া চেপইলিগা আরো আঙুলে কট আগ দিয়া হুরকাং ফেট্টিয়াশৌ আগ দিয়াদিল। কলালেইমাই ফেট্টিয়া উগ জ্বিগত বরেয়া চাকামহান লেপাত ধরলি। এগদে ফেট্টিয়াগ কুনসময়তেই ডহে পড়েছেগা মাতে