দেনাই হাবি বারো শাতয়া ঝলক ঝলক করানি অকরল। এবাকাতে তেইরতা চিন্তা আহান হমেইল। টেইপাঙ মানুরাং সকইল, তেইরেতে দেবকুলে আর ফাম নাদতাই। উহানে তারে বিয়া করানিরকা অনুরোধ করল। রাজার পুতকে তেইরে বিয়া করল। হান্তে যানার মাপা উহানর মাতা মাতেরতা— বিয়াতে করলু, দেহানি আহিলেতে কিসাদে দেহা পেইতৌ, তিতে স্বর্গত যাউরিগা। তেই আঙুলিগ পারা বাশি আগ তারে দিয়াদিলতা এগ রহেইলে মি আহিতৌ। সালইলি, খানিক্ক যানাইতে ফু আহান দিল, বারো আহিলি। – কিয়া? - না ইমে চেইলুতা, যাগা। বারো খানি যানাই ফু আহান দিল, বারো আহিলি। - কিয়া? - না ইমে চেইলুতা। - আরতা নাকরি, মি আহিতৌ যেবাকা মাততেই ঔপরে, মি ডিলইলু মানুয়ে দেখতাই যাঙগা, বিয়ানহান ফুয়েইল। – হাই যাগা। বারো গিয়া পানা বিত্তা অইলিহা উপেইত বারো ফু দিল, বারো আহিলি। – কিয়া? - না চেইলুতানা যাগা আর আজি না ডাকতৌ। তেই গেলিগা। বিয়ানহান অইল। রাজারাং খবরহান ফৌয়ইলহা। দাপদে দাপদে আহিয়া মহারানীয়ে কিতাই দেহিয়া কি হারৌহান। উদিনেত্ত নিক্কা রাজার বাগানে ফুল শাতনি অকরল। হৌগদে সরাহাল রাজার খুলি নিঙল উগতে গিয়া ফুলডাল উদিন দিয়া নুয়ারলগা। টেইপাঙ